پریشان ائیله دین گئتدین!

منی ای تازه گول، هیجرینده گریان ائیلدین، گئتدین
مثال بولبولِ شوریده، نالان ائیله دین، گئتدین
قویوب، ای یوسیفِ ثانی، منی یعقوب تک آغلار
منه بو خانهٔ دونیانی زندان ائیله دین، گئتدین
منی مجنون کیمی زنجیرِ زولفه باغلادین محکم
خیالیم جمع کن آخیر پریشان ائیله دین، گئتدین
ترحّم قیلمادین عشاقه بیردم، ای شهِ خوبان
منی سایل کیمی چاکِ گریبان ائیله دین، گئتدین
قیلیب عشق اهلینی غم بسترینده روز و شب خسته
رقیبِ سنگدل دردینه درمان ائیله دین، گئتدین
منی آغلاتدین هیجرینده، بلایِ عشق ایله ظالیم!
نه دن بیگانه‌لر کؤنلونو خندان ائیله دین، گئتدین
گلیب، نه واحدی غمدن خلاص ائتدین، نه اؤلدوردون
نه ده، مشگل اولان دردیمی آسان ائیله دین، گئتدین