منو
یئنه!
منی هیجران غمینه سالدی او مهپاره یئنه
زولفو تک ائیله دی، آیدین گونومو، قاره یئنه
خوش او گونلر، سنه وصلینده دئیردیم دردیم
ایندی هیجران دئییرم هر در و دیواره یئنه
بیر ووروب سینه مه مشگان اوخونو گئتمیش ایدی
فیکری وار، بیر ائده کؤنلومو صدپاره یئنه
نقدِ جان الده توُتار کیم کی، خریداری اولا
یوسیفی گر چکه‌لر صحنهٔ بازاره یئنه
گندمِ خالینی کؤنلوم قوشونا گؤستردی
ائده جکدیر منِ بیچاره نی آواره یئنه
دون ائشیدیم سنی، اغیار ایله هم صحبت سن
وعدهِ وصل وئریبسن، گولوم، اغیاره یئنه
خسته بولبول کیمی، واحد، ایشیم افغان اولدو
او گؤزل همدم اولوبدور، دئیلر خاره یئنه