بو غربت اؤلکده من گؤرمهدیم صفا، گئدیرم
بو قدری بسدی منه چکمیشم جفا، گئدیرم
فلک آییردی منی ماه رو نیگاریمدان
قدّمی ا گدی، گونوم ائیلهدی قارا، گئدیرم
اولوبدو محرمِ کویون رقیب، من محروم
بو ظلموکی منه سن گؤرموسن روا، گئدیرم
او چین زولفونه، ای آهووش، اسیرایدی دل
یقینیم اولدو کی، من ائتمیشم خطا، گئدیرم
همیشه عادتین عشق اهلینه جفادی سنون
کی، سنده ذره جه من گؤرمهدیم وفا، گئدیرم
خیاله سالجاق او قاشین خیالینی من، بیل
هیلالِ نوکیمی الدو قدّیم دو تا، گئدیرم
فراق جؤرونو واحد، ا گر بیله ایدیم من
اومیدِ وصله اینانمازدیم ابتدا، گئدیرم