منو
خلقین ضیافتی
بو ناز ائدن گؤزلین ناز قیلماق عادتیدیر
بونا من فدا اولوم، اهلِ عشقین آفتیدیر
منیم ده جانیمی آلماق خیالی وار، گؤروم
اونون بو شوخ باخیشی قصدِ جان علامتیدیر
گؤره نده یاریمی اغیارایله، یانیراورگیم
بو آه و نالم اودو عشقیمین شراتیدیر
بیلیر کی، اود توتورام ناز ائدنده اغیاره
گؤزللرین بودا اؤز داخیلی سیاستیدیر
منی بلایه سالان اؤز نیگاریم اولدو منه
سبب رقیب دئییل، بختیمین کرامتیدیر
جفا ائدیب منی اول مه لیقا چوخ اینجیتدی
بو ایش منه فلکین کؤهنه دن عداوتی دیر
بو شعری بیر گؤزله یادگار ائدیر واحد
بو گونکو خوش گونوموز خلقیمین ضیافتیدیر