منو
من دئمیشم!
بو سؤز کی وار، بونو، ای ماه پاره، من دئمیشم
اسیر ائدیب منی اول زولفو قاره، من دئمیشم
سنه نه قدری دئییلمیشدی، غئیره یالوارما
هله بو سؤزدن علاوه دوباره، من دئمیشم
سولار او گول اوزون، البته، بیر زامان، گؤزلیم
چوخ اعتبار ائله مه روزگاره، من دئمیشم
جمالین آتشینه آی و گون دئین چوخ اولوب
اوزونده خالینا یانمیش ستاره، من دئمیشم
اینانما، ای دل، او چشمِ سیاهه، قان ایچر
یاخین لیق ائیله‌مه مست و خوماره، من دئمیشم
وفاسیز اولماغینی بیلمه ییردی بیر کیمسه
خلایق ایچره بونو آشکاره، من دئمیشم
اول آهو گؤزلویه، واحد، کمند آتیر اغیار
کی، قویمایین انو گؤزدن کناره، من دئمیشم