بشّریت

بیریئرده کی حالا اولاجار کن بشّریت
وحشیلیگی پامال ائله یر کن مدّنیت
ساچمیش شفقین گون کیمی دنیالارا عرفان
ظلمتدن اوزاقلاشمالیدر عالم انسان
علمین. هنرین رتبه سی بیر پایه یه چاتمیش
انسانلاری شیش گوگلره حتی ال اوزاتمیش
دقتله دوشوندوکجه بو گون دور زمانی
بامباشقا گورورسن بوتون اوضاع جهانی
مکتب! دییه هر کیمسه ده بیر ذوق نمایان
صنعت دییه هر کیمسه ده بیر چهرهٔ خندان
انسانلارا لازمدر حقیقتده چالیشسین
اولدوقجا گرک علم ایله عرفانلا آ لیشسین
وقتا بوتون اطرافی توتوب علم ایله عرفان
بحر و بری هر دمده دولاشماق اولور آسان
یالنیز نه که بو یولدا چالیشسین گرک ارلر
اونلارلا قادینلاردا چالیشسیتلا برابر
زیرا قوروجی بئیله قوروب طرز حیاتی
بیزدنده حیاتین بودر آنجاق طلباتی