منو
بو دئییل!
بیزم نیگار دئدیگیمیز نیگاریمیز بو دئییل
سئویملی دلبریمیز، نازلی یاریمیز بو دئییل
بیز ایندی ده چکریک انتظارینی او گولون
حقیقی چکدیگیمیز انتظاریمیز بو دئییل
بیزیم باهاریمیز آنجاق گول اوزلولرله کئچیب
بو نازنین کی، گؤرورسوز، باهاریمیز بو دئییل
او گول کی، بیز سئوریک، بیز، اونونلا فخر ائدریک
سیزین تصور ایله افتخاریمیز بو دئییل
کمندِ آهه یاخین دوشمه‌دی اول آهو نگاه
یقینم اولدو، سئویملی شکاریمیز بو دئییل
بیزیم گؤزل بیتیریب ناز و غمزه مکتبینی
او مکتبی بیتیرن عشوه کاریمیز بو دئییل
من اؤزوم اومیدی پروردگارا باغلامیشام
اینانما واحد، پروردیگاریمیز بو دئییل