جامِ محبت

بیزه دیوانه لیک نه زولفدن، نه شانه لردن دیر
بورسمیت بیزه بیزدن قدیم دیوانه لردن دیر!
غمِ عشق ایله یانمیش کؤنلومو ویرانه ظن ائمه
بو ویرانه گوهرلر گیزله نن ویرانه لردن دیر!
او شوخون گؤزلریندندیر، کؤنول، گر درد و غم چکسک
خیال ائتمه، بو آفتلر بیزه بیگانه لردن دیر!
او نوشانوش کیم، هردم گلیر میخانه سمتیندن
او مسجدلردن ا کراه ائیله ین مستانه لردن دیر!
بیزی سرمست ائدن جامِ محبتدیر، گئت ای زاهید
بو سرخوشلوق نه بو مئی دن، نه ده میخانه لردن دیر!
نولا، گر آتشِ عشق ایله یانساق، شعله میز یوخدور
بو خاصیت بیزه نه شمع، نه ده پروانه لردن دیر!
دئمیشدیر مدعی: واحد کمندِ عشقدن قاچمیش
بو عقله سیغمایان، ائللر دئیین افسانه لردن دیر!