کاوه تک!

بیزی مردانه دوغمشدور طبیعت ابتداسیدان
عدونون قورخماریق قانلار تؤ کن نوکِ جداسیندان
اؤلونجه شکوه یه دیل آچماریق، اعدای بی رحمین
ا گر یوز یول کسیلسه باشیمز تیغِ جفاسیندان
عدولار باغرینی چاتلاتمیشیق مئیدان حرب ایچره
بیز اول فاتحلریک حقین ظفرپرور صداسیندان
شرارِ تیغمیزدن هر زمان دشمن فرار ائتمش
قاچار خفّاش بد طینت نئجه شمسین ضیاء سیندان
شهید اولماق فقط حُرّیّت اوغروندا سعادتدیر
اسارتله حیاتین بی ثمر ذوق و صفاسیندان
سه ورسک کاوه تک آزاده لیک، مظلوم دونیانی
خلاص ائتمک گرک ضحاک عصرین هر بلاسیندان
اگر مظلومی قورتارماقسا مقصد ظلمِ ظالیمدن
گرک بالمره ییخماق قلعهٔ ظلمی بناسیندان