گؤزلرین غزالیمدیر

محبتین، گؤزلیم، باعثِ ملالیمدیر
غذای روحومسان، گؤزلرین غزالیمدیر
فرح وئریر غمِ هجران منِ فلکزده یه
وفاسیز اولما، دئمه طالبِ وصالیمدیر
رقیب قوی منه طعن ائیله سین رقابت ایله
همیشه سجده گاهیمسان، قاشین هیلالیمدیر
خیالِ خالین ایله خاطیریمده مین غم وار
آدین فداسی، ثوبوتم سرشکِ آلیمدیر
نه سنده رسمِ جفا ترک اولور، نه منده وفا
محبتین همیشه دیلده خوش مقالیمدیر
ا گر اؤلم ده غمیندن او یارِ بی مهرین
یئنه بو حالیما یانماز، او قدری ظالیمدیر
اسیر ائدن منی، واحد، او نازنین دلبر
محبتیم، ملگیم، یارِ مه جمالیمدیر