منو
آهویِ ختن!
مردم چشمیم ائدیب مُشک صفت زولفو وطن
دامِ صیاددا سان بند اولوب آهویِ ختن
قانا دؤندو، گؤروب اول لعلِ لبین شیشه ده مئی
آچمادی غنچه آغیز، گؤردو سنی تنگ دهن
گر بو قامتله خرام ائیله یه سن گولزاره
سبزه تورپاغا دوشر، گؤرجک اولار خارچمن
سنی تاری، سرِ کویوندا ا گر جان وئرسم
تنِ عریانیما گیسولرینی ائیله کفن
واعظ، اوقاتیمی تلخ ائیلهمه وعظ ایله عبث
یوخدور اول بوت کیمی شیرین لب و آزاده سخن
من دولاندیقجا جهان مولکونو گردون دولانیر
رشتهٔ عشقیم اولوب توسنِ گردونه رسن
عهد قیلمیشدی منه بوسه وئره، وئرمهدی دون
واحدا، گؤرمهدیم اول مه کیمی بیر عهد شکن