منو
یازیلسا ا گر، یوز کتاب ائدر
معشوقه گرچه عاشیقه ناز و عتاب ائدر
عاشیق شکایت ائیلهمه ز،هر جؤره صبر ائدر
مین دفعه جؤر ائدیب منه بو ماه پاره لر
بیر دفعه سی یازیلسا ا گر، یوز کتاب ائدر
من عاشیقم، دیدیم، دیدیلر: ای اسیر عشق!
بیر درده دوشموسن کی، علاجین شراب ائدر
بیرآن شرابم اولماسا، درد اؤلدورر منی
هر کیم بو درده چاره ائده، مین ثواب ائدر
داغلاردا! لالهلر قدحی دولدو شاله دن
گولگون شرابا غملی کؤنوللر شتاب ائدر
جانا، لبیندن ائیله بو دردین علاجینی
اغیاره سیرّ سؤیله مگه، دیل حجاب ائدر
یا آل بو جانی،یا کی، دوزه لت احتیاجیمی
بو حسرت آتشی منی، یوخسا کباب ائدر
آلدیقدا جام مئی اله، جمشیدی یادا سال
زرین پیاله چوخلاری خانه خراب ائدر(١)
واحد، او شوخا دردینی دیٔ، جامِ وصل ایله
بیر لطف گؤستره رسه، سنی فیضیاب ائدر
١بیت بو شکلیده ده قئید اولموشدور:
لاکن بیر اؤیله یئرده سوراغین ائشیتمیشم
اولسا، صفاسی وار، منی سانما، خراب ائدر