منو
باخ ابتدای یاسینه!
مایل اولدو کؤنلوم اول ماهین رخِ زیباسینه
پای بند اولدو سیه گیسویِ مشک آساسینه
کلکِ قدرت دیشلرین طرحین یازیب قرآنیده
بیلمک ایسترسن ا گر، باخ ابتدایِ یاسینه
بند اولوب بیر لیلی وش یارین کمندِ زولفونه
روز و شب مجنون صفت دوشدوم بلا صحراسینه
یار ایله هم بزم اولوب، گر مئی ایچم میخانه ده
زاهیدین وئرمم او بزمی جنتِ عقباسینه
ای لبی غنچه، چیخار وار، یوخ الیندن، هر کسین
کیم دوشه من تک سرِ گیسولرین سئوداسینه
غم الیندن سرویم آزاد ائتمهدی بیردم منی
ظلم ائدیب باخدی رقیبین حیله و فتواسینه
یاری اغیار ایله گورمکدنسه، واحد، یاخشیدیر
غرق اولا بو زورقِ جسمیم بلا دریاسینه