یار هوسینده

من عالمه منت چکیرم یار هوسینده
یاریمسا گزیر شؤقله اغیارهوسینده
بیلمه م بو نئجه سرّدیر، حکمت دیر، ازلدن
بولبول گوله مایل، گول اولور خارهوسینده؟
مئی اوخشاماسا. لب لرینه. قرمزی لئقدا
بیر کیمسه تاپئلماز مئیِ گولنار هوسینده
هر گون اوزونو گورمه گه حسرت چکیر عالم
گول فصلی اولار، ائل هامی گلزار هوسینده
بیلمه م نه گوروب زولف ده مجنون کیمی کؤنلوم؟
سر گشته دیر اول طره ٔ طرار هوسینده
عاشیق سئویر اول شوخی، تعجب لی بو دور کی؟
یوزلرجه،گؤزللرده اونون وار هوسینده
واحد! یئنه قیمت چوخالیب، یوسیفِ شعره
گؤهر ساتیلار، اولسا خریدار هوسینده