چیچک کیمیدیر

من ایسته ین گؤزلین، ساچلاری ایپک کیمی دیر
اوزو چمنده آچیلمیش قیزیل چیچک کیمی دیر
اولوب اسیری، سئوه ردیدم او زولفو ایل اؤزونو
بو درد کسیر منی، بیر آز، حئییف، گودک کیمی دیر
گؤیون گؤزللری عالم دئییر ملکلردیر
منیم ده ایسته دیگیم یئرده بیر ملک کیمی دیر
گهی رقیبه سالیر مئیلین، گاه عاشیقینه
هایان گلیر اسیر اول بی وفا، کولک کیمی دیر
بو حُسنه بیرده بزک وئرمه یین نه مغناسی؟
گؤزلیگین سنه، ای گول، ائله بزک کیمی دیر!
اوزونده خالینی گؤردوم گول اوزلو دلبریمین
بو رنگده هئل، دئدیم، اولماز، بو لاپ میخک کیمی دیر
همیشه اؤزگه‌لر ایله دئییب، گولوب، دانیشیر
منیمله، سیرّی نه دیر، سئوگیلیم اؤ گئی کیمی دیر
اینانما، ال چک زاهید اؤلونجه مسجددن
خرابه لیکدن اوزاقلاشما، هورومچک کیمی دیر
همیشه من وارام عالمده، اؤلمرم، واحد!
اثر کی، قالدی جهاندا، او، اؤلمه مک کیمی دیر