نئجه اولسون؟

من مایلم اول یاره بس ایندی نئجه اولسون؟
قویموش منی آواره بس ایندی نئجه اولسون؟
بلبل کیمی چوخ ائیلمه گل ناله دئییرلر؟
گول همدم اولوب خاره بس ایندی نئجه اولسون؟
سالمیش منی گؤزدن گؤزلیم نازلی طبیبیم
یوخ دردیمه بیر چاره بس ایندی نئجه اولسون؟
قوی ائل منه دیوانه دئسین من که اسیرم
اول طرهٔ طراره بس ایندی نئجه اولسون؟
ترکِ وطن ائتدیم رهِ عشقینده او ماهین(١)
غربته گونوم قارا،بس ایندی نئجه اولسون؟
هیجران غمی، غربت ستمی، طعنهٔ اغیار
گلدیم دخی زینهارا، بس ایندی نئجه اولسون؟
واحد ا گر ئوز شمعنه پروانه دیر عاشق
منده رخِ دیلدارا بس ایندی نئجه اولسون؟

١غزل اورتا آسیادا قلمه آلینمیدیر.