منو
عشقین ماجراسی!
مجنونلا ووردو بیر کئجه لیلی آراسینی
مین درده سالدی عاشیقِ بختِ قاراسینی
مجنون آهی عشق اودونو یایدی عالمه
بیلدیردی بینوالره اؤز اختراع سینی
فرهاد عشق تیشه سینی چالدی باشینا
نازیک الیله باغلادی شیرین یاراسینی
اغیاره قورخودان دئمه دئم، سئوگیلیم بودو
فرصت کی تاپدی، آرتیراجاق افتراسینی
نامرده منت ائیله مز، البّته، مرد اولان
ادنادیر ایسته ین فلکین زر خاراسینی
لیلی دن اؤترو دؤزمز ایدی بونجا محنته
مجنون بیله ایدی عشقیمیزین ماجراسینی
واحد،بو اودلار اؤلکه سینین وئرمرم، اینان
بحرِ محیط و هندییه کورله آرازینی