خوشدور

کؤنول، عشق اهلینه یئتسه ا گر یوزمین بلا، خوشدور
یئتیشسه آشنادان، آشنایا هر جفا،خوشدور
جهاندا دؤلت و مولک ایله ماله ائتمرم رغبت
قاپیندا روز و شب، شاهیم، اولام گر بیر گدا خوشدور
شیکایت ائتمرم چرخِ ستمکارین جفاسیندان
جفای چرخدن اولسا ا گر قدّیم دوتا، خوشدور
غریب آسا کؤنول ائیلیب وطن اول زولفِ مشکینین
دوشوبدور صیدوش دامه، یقین ائیلیب خطا، خوشدور
کسیلسم نئی کیمی گر بند بندیمدن فراقیندا
فغان و ناله ترکین قیلمارام، ای مه، نوا خوشدور
کؤنول ایستر مکان توتسون گئجه گوندوز او زولف ایچره
نئجه دیوانه یه زنجیره اولماق مبتلا خوشدور
بلانی آرزو ائیلر بو واحد، مبتلا اولسون
بلی، عشقین یولوندا عاشیقه، ای گول، بلا خوشدور