اودلار اؤلکه سی لاله زار اولاجاق؟

کؤنول، همیشه سعادت بیزیمله یار اولاجاق
خزان غمی بیته جکدیر، یئنه باهار اولاجاق!
ترنم ائیلهییر هر بیر چمنده بولبوللر
بو اودلار اؤلکه سی بیر باشقا لاله زار اولاجاق
دئییب، گولوب، دانیشیر خاقلار محبت ایله
فرحلی اؤلکه میز هر فتنه دن کنار اولاجاق!
شرفله عؤمر ائیله ییر هر کس اؤز دیاریندا
نه درد و محنتِ غربت، نه انتظار اولاجاق!
گؤزللشیر گونو گوندن حیاتی خالقیمیزین
همیشه لیک وطن اؤولادی بختیار اولاجاق!
بوخوش زامانی گؤره ن اهل حاله عشق اولسون!
عموم عالمه فرخنده روزگار اولاجاق
جهان ایشیقلاناجاق صلح ایله، عدالت ایله
بیزیم اوفقده ظفر نوری پایدار اولاجاق!
بیزیم دیار وئریر قدر و قیمت انسانه
بوتون جهانه نمونه بیزیم دیار اولاجاق!
وطن دیارینا، واحد، نه خدمت ائیلرسک
بو شانلی ایش گله جک نسله یادگار اولاجاق!