کؤنلوم کیمی، او زولفه یئنه شانه باغلانیب
جان رشتهسی او زولفِ پریشانه باغلانیب
آهسته شانه چک، گؤزلیم، تار زولفونه
هربیرتئلینده مین دلِ دیوانه باغلانیب
ساقی، آپارما مست منی خُم آیاغینا
مستانهلر یاتوب، درِ میخانه باغلانیب
کؤنلوم، اوزون غمیندن، اولوب باغلی زولفونه
پروانه سانکه شمعِ شبستانه باغلانیب
میخانهلر آچیلدی، قدحلرده نشئه وار
محنت بیناسی. خانهٔ ویرانه باغلانیب
صنعان ا گرچه باغلادی زونّار، بیلمهدی
عاشیق همیشه طرهٔ جانانه باغلانیب
واحد! زمانه حوریلری کئچدی جنّتی
زاهید هنوز روضهٔ رضوانه باغلانیب