منو
لئریکده
کؤنلوم وورولوب بیر گولِ ریحانه لئریکده(١)
بولبول کیمی گلدیم یئنه افغانانه لئریکده
یاریم داغیدیر زولفونو رخسارینه هردن
ائیلر منی مجنون کیمی دیوانه لئریکده
بولبول اوخویور، گول آچیلیر، باده الینده
نازیله گلیر مجلیسه جانانه لئریکده
داغلار، تپه‌لر عاشیقی حیرتده قویورلار
جهجه سسی دوشموش یئنه هر یانه لئریکده
گلدیکده باهار فصلی چیچکلر آچیلیرلار
بولبول اوخویور عاشیق مستانه لئریکده
بولبول اوخویور، بیر من اولام، بیرده نیگاریم
طعن ائسه ده، نئیلر منه بیگانه لئریکده؟
واحد، اوگون اولسون، بیزه ده قسمت اولایدی
آغوشا چکم یاریمی مردانه لئریکده
١لئریک، بیر منطقه،آدیدیر.