همی سنسن، همی من!

سئومه سه یدیم ا گر اول زولفِ خم اندر خمی من
بیردم، عؤمرومده، چکردیم می، بو درد غمی من؟
باشقا بیر دلبره اولسایدی محبت منده
بو قدر آه ایله یاندیرمازایدیم عالمی من!
سنین حُسنوندو منیم عشقیمی افزون ائله یه ن
بؤیله رسوالیغا باعث همی سنسن همی من
من سن اولسایدیم ا گر غیره کؤنول وئرمزدیم
قویمازایدیم، یئتیشه وصلینه نامحرمی من
ایندی دونیا، گوزه لیم، گئت – گئده بیر جنّت دیر
سنسن حوّاسی بوگون عصریمزین، آدمی من
اهلِ فقرم، منه اؤز جامِ شرابیم بسدیر
نئیلرم کاسه ٔ فغفورایله، جامِ جمی من
واحد اؤپسم او گولون چاهِ زنخدانیندان
ایسته مم کعبه ٔ عُلیادا اولان زمزمی من