منو
پئشیمان دئییلم!
سئومیشم من سنی، ای شوخ، پشیمان دئییلم
سندن ال چکسم اؤلونجه ا گر، انسان دئییلم
او وفاسیز کی، سنینله بئله رفتار ائله‌دی
من بو ایشدن، گؤزلیم ذره جه خندان دئییلم
مین ا گر دوشمنیم اولسا او جفا پیشه کیمی
سن ده قورخما، ملگیم، من داها قورخان دئییلم
سئویرم من سنی، بی حد و حساب ائتمه منی
سندن اؤزگه گؤزلین عشقینه قوربان دئییلم
سن منیمله اولاجاقسان، نه قدر عؤمروم وار
سندن اؤزگه گؤزلین عشقینده نیگاران دئییلم
منی سندن آییرا، بلکه اؤلن واختدا اجل
واحدین عقلی کسیر هر شئیی، نادان دئییلم