منو
ثروت بیزه اشعاریمیز اولدو
فخر ائتدیک، او گول، بلکه، بیزیم یاریمیز الدو
طالع بیزه یار اولمادی، اغیاریمیز الدو
عاشیقلره بولبول دئدیلر، بیزده سئویندیک
هر بیر گوله وئردیکده کؤنول، خاریمیز الدو
دوُردوق بیر اومید ایله گؤزللر طرفینده
میندن بیریسی، بلکه، طرفداریمیز الدو
من غئیره کؤنول وئرمه ییم اول شوخ رقیبه
گیزلینده بئله عهدیمیز، ایقاریمیز الدو
سئودایِ غمِ عشق ایدی سرمایه میز الده
نه اؤیله خریدار، نه بازاریمیز الدو
تکفیرایله ذکر ائتدی بیزی مُلانمالار
زاهید دئدیگی جنّته اینکاریمیز الدو
یار ائتدی جفالار بیزه، بیگانه دن اوُمدوق
دوشمن بیزه اؤز سئوگیلی دلداریمیز الدو
واحد، فلکه اگمه‌میشیک ثروت اوچون باش
ثروت بیزه اؤز گؤوهرِ اشعاریمیز اولدو