منو
پروانهٔ دل
غملی کؤنلوم یئنه شاد اولدو، رُخ یاری گؤروب
عارضینده اول مهین طرهٔ طراری گؤروب
زولفِ پرچینینی گؤردوکده کؤنول قیلدی فغان
چمن ایچره، ساناسان، مرغ او شاهماری گؤروب
شمع رخسارینی دؤر ائیله‌دی پروانهٔ دل
یاندیرار جانینی پروانه نئجه ناری گؤروب
بولبولون ناله سی دونیانی توتور گولشنده
هر زامان خار ایله همدم گول بی خاری گؤروب
دایم اغیار ایله همدم اولور اول سیم بدن
ظلم بی حد قیلیر، تا کی من زاری گؤروب
شؤق ایله قیلدی هوس لعلِ لب دلبریمه
طوطیوش مرغِ دل، اول لعلِ شکر باری گؤروب
عادت ائتمیش اؤزونه آغلاماغی واحدِ زار
او زماندان کی، یازیق، یار ایله اغیاری گؤروب