منو
گؤزل وطنیم وار
فخر ائیلهمه، ای بولبولِ شیدا، چمنیم وار
قوی فخر ائله ییم من کی، گؤزل بیر وطنیم وار
نامردم ا گرحوری و قیلمانا دگیشسم
گولزارِ وطنده او گؤزللرکی، منیم وار
فخر اولماسا، فرهادی، دئیردیم، منم عصرین!
مینلرجه منیم خسروِ شیرین سُخنیم وار
باخدیقجا بو گول روخلره آرتیر یئنه عشقیم
بوندان بئله دونیادا نه درد و مُحنیم وار!
مجنونویام هر بیر اوجا بویلو، قارا زولفون
ای مدعی، گل گؤرنئجه سروِ سمنیم وار
گنجم، گؤزلم، خلقیمین ایستکلیسی یم من
قیمتلی گؤهرتک وطنیمده سئوه نیم وار
واحد، منه تکلیف ائله مه اوزگه نیگاری
اؤز سئوگیلیم، اؤز دلبرِ نازیک بدنیم وار