آزاد ائدر

عاشیقین گؤرجک رقیب ایله سنی، فریاد ائدر
رسمدیر، بولبول گولو خارایله گؤرسه، داد ائدر
لطف ائدیب، ای سروقد، روحوم، خیلاص ائت جیسمدن
شاهِ عادل حبسدن محبوسونو آزاد ائدر
قان اولور بولبول کیمی باغری شکسته عاشیقین
هر زامان کیم گولشن ایچره لعلِ نابین یاد ائدر
نازایله قیلسا خرام عشق اهلینی اول آهووش
شک سیزدیر کیم، دالینجا گزدیریب، صیاد ائدر
گلسه بیر دفعه خرامه اول قدی سروِ روان
حشر کبری دان علامتلر یقین بنیاد ائدر
غیض ایله قیلسا نظر بیر دفعه اهلِ عالمه
بو جهان مولکون نیگاهِ توند ایله برباد ائدر
واحد، بی فهملر بیلمز کلامین قدرینی
نئجه حکمت بیلمه ینلر حکمته ایراد ائدر