یئنه وار می؟

ای گول، سنه دونیادا برابر یئنه وار می؟
سندن ده گؤزل سئوگیلی دلبر یئنه وار می؟
گولزارِ جاهاندا، گؤره سن، سندن علاوه
ان اینجه، لطافتلی گولِ تر یئنه وار می؟
قان تؤ کمگه چوخ ماهیر ایدی گؤزلرین اوّل
اول فتنه لی گؤزلرده او شا کر یئنه وار می؟
بولبوللری من تک کتیرن شوره چمنده
بیر بولبولِ شیدا منه بنزر یئنه وار می؟
یوز عاشیقی بیر رمزله مجنون ائله ینلر
اول لیلی ملاحتی گؤزلر یئنه وار می؟
اؤز عاشقینه ظلم ائده، بیگانه یه مین ناز
بیر سن کیمی بی رحم، ستمگر یئنه وار می؟
سلطانلارا، خاقانلارا باش ا گمه ین اصلا
درویش کرامتلی قلندر یئنه وار می؟
واحد ! هانی یوسیف(١)، هانی سیّار(٢) ایله ثاقب(٣)
کیمدن سوراق، اوستادیمیز آذر(۴) یئنه وار می؟

١شاعیر میرزا عبدالخالق یوسیف. ٢شاعیر حسن سیّار .
٣شاعیر هاشم بگ ثاقب . ۴شاعیر مشهدی آذر حاجی محمد زاده.