بیلمهم نهدن اولدو

ای گول سنی آخر بیلیرم اؤیره دن اولدو!
سالدین منی هیجرانه بو بیلمه م نه دن اولدو؟
دؤزدوم نه قدر زحمته، هر نازینی چکدیم
کؤنلوم غمِ عشقینله اسیرِ محن اولدو
سن بؤیله وفاسیزدا دئییلدین بیلیرم من
ظنیمجه، سنی بو ایشه تحریک ائدن اولدو
رسوای جهان ائیله دین آخیر منی گئتدین
ایندی منه بیگانه گلیب طعنه زن، اولدو
بیر واخت پشیمان اولاجاقسان بو عملدن
سندن بو ایشین، بلکه، حسابین چکه ن اولدو
گزدین گؤزلیم غئیر ایله، من دردینی چکدیم
گلدی نه بلا باشیما، بو غصه دن اولدو
واحد، او گولون وصلینه بیگانه یئتیشدی
دردیم چکه ن عالمده بیر آنجاق حسن(١) اولدو

١حسن، واحدین قدیم کی دوستی ایدی.