منو
نفرت دوشمنه!
ای وطن اؤولادی، بیر آن وئرمه فرصت دوشمنه
قهرمان ضربه نله گؤستر درسِ عبرت دوشمنه
قوی آلوو یاغسین تفنگیندن، توپوندان جبهه ده
ائیله اؤز دونیاسینی قهر ایله ظلمت دوشمنه
سونگوتک سانجیل فاشیستین قلبینه، یار باغرینی
ضربه اوستدن ضربه وور خاین طبیعت دوشمنه!
پارتلاسین قوی هیتلرین آلچاق باشیدا بو مبالار
هر طرفدن وور جسارتله خسارت دشمنه
ییخ، داغیت، یانسین جهنم تک فاشیستین جبهه سی
قسمت اولسون، قویما، بو گلولزارِ جنّت دوشمنه
بیلدی عالم هیتلرین خاین لیگین، ادنانلغین
یاغدیریر میلیونلا دونیا خلقی، نفرت دوشمنه
حاضریق، واحد، صداقتله وطن اوغروندا بیز
هر زمان گؤرسترمگه قطعی جسار ت دوشمنه!