آدمسن ا گر

ای گؤزوم، عالمِ انسانلیغا محرم سن ا گر
ساکیت اول مجلیسِ میخانه ده، آدمسن ا گر
عرفا اهلی اوچون مجلیسِ مئی جنّتدر
قویما بو بزمه قدم، اهلِ جهنم سن ا گر
مئی ایچیب، سرخوش اولوب، اؤزگه نی تحقیر ائله مه
سن اؤز اطوارینی تحقیر ائله، سرسم سن ا گر!
اؤلچودن خارجه چیخما، ییخار آخر سنی مئی
توت الیم کی، هامودان ایچکیده محکم سن ا گر
مست و مدهوش زامانیندا بیر آیینه یه باخ
اؤزون اؤز عکسینی تصویر ائله اعلم سن ا گر
گور، سنی باده نه حاله سالیب، ای خانه خراب
آغلا اؤز حالینه بیر دم، نولا، خُرّم سن ا گر
حئیفدیر باده یه صرف ائتدیگین اول شانلی حیات
بیلّیک اوغروندا اونی صرف ائله، حاتم سن ا گر!
مبتلادیر بو بلایه، دئمه، واحد اؤزوده
اونودا علم ایله تشویق ائله، آدم سن ا گر