اینجه صنعت عضوو!

ای گول نه اینجه سن،نه گؤزلدیر طبیعتین
سن گولمه یینجه بیل اوزو گولمز حقیقتین(١)
بیر کیمسه وارمی، خاطرینی توتماسین عزیز؟
سن بیر سئویملی دلبریسن بو جمعیتین
ائللر کمالینین، گؤزلیم،حسرتین چکیر
یوخ بیر کؤنول کی، اولمایا اوندا محبتین
وجدانین اینجه، مسلک و آمالین اینجه دیر
یوکسلمیش اینجه لیکه بوتون شأن و شؤ کتین
خلقین، حکومتین، وطنین ایسته ییر سنی
سن ده بیر عضووسن، گؤزلیم، اینجه صنعتین
تحسینه وار لیاقتین، ای صحنه خادمی
عؤمرونده آز دئییل وطنه، خالقا خدمتین
شاهلا مبارز اولدون عرب زنگی لیکده سن
چون لیلی تئللی لر یارادیب فیض و قدرتین
یئتدین سه اللی سینّینه خالق آرزو ائدیر
یوزدن زیاده عؤمرو اولایدی حقیقتین
ایتمز بو زحمتین گله جک شانلی نسل اوچون
تاریخی یادگار اولاجاق حق و زحمتین
هر ساحه ده نه خدمتین اولموشسا صحنه ده
ان ماهیرانه اولموش اونا نائیلیتین
نغمه نله، خوش سسینله صفالاندی صحنه میز
بولبوللرین نفوذونو یوکسلتدی همتین
واحد، بو حؤرمته، بو بؤیوک فخر و قیمته
سن ده تشکر ائت کی، اولا، بلکه، قیسمتین

١آذربایجان جمهوریسینین خالق آرتیستی حقیقت رضا یئوایا حصر اولونور.