اؤز نیگارینا!

ای گول، داغتما، سونبول زولفون عذارینا!
آهسته شانه چک کی، تؤ کولسون کنارینا!
بسدیر، بوقدر نازایله اؤلدوردن عالمی
دونیا وئریلمه‌ییب، گؤزلیم اختیارینا!
مئی دن، زیاده نشئه وئریر خسته کؤنلومه
هردم باخاندا، نرگس مست خؤمارینا!
کویوندا خوش گئچیر گونوم، اغیاره باخماسان
ایندی بو ایش قالیب سنین اؤز اعتبارینا!
بیگانه گؤردو، لذّتینی، لاله رویونون
بیر رحمین اولمادی بو دلِ داغدارینا!
هر کیم کی، عاشیقم دئدی منصور تک سنه
دوشدو کمند سلسلهٔ تابیدارینا؟
واحد بیز اؤز نگاریمیزین مبتلاسی ییق
سنده چالش کی، کؤنلونو وئر اؤز نگارینا!!