بولبولِ شیدا ده لی دیر

دئمه مجنونا ده لی، بلکه ده لیلا ده لی دیر
عشق اولان یئئرده بوتون عاقیل و دانا ده لی دیر
سالدی یوسف کیمی، اؤز سئو گیلی سین زنجیره(١)
قویدو رسوالیغی عالمده، زولیخا، ده لی دیر
عشق زنجیرینین اوفتاده سی، بیر من دئییلم
هوسِ سلسلهٔ عشقله دونیا ده لی دیر
ساریلیر، چیگنینه، گاه بوینونا، گاه قامه تینه
اشدهالار کیمی اول زولفِ چلیپا ده لی دیر
بیر وفاسیز گول ایچون ناله سی دنیانی دوتوب
عاشیقین قلبی کیمی بولبولِ شیدا ده لی دیر
بیرجه شیرین ایله فرهادا مذّمت یوخدور
وادیِ عشقده وامیق ده لی، عذرا ده لی دیر(٢)
ال گؤتورمز بو قارا گؤزلولرین زولفوندن
هر یئتن ظن ائله ییر واحدی، گویا ده لی دیر

مصرع بو شکلیده ده قئید اولموشدور:
١سالدی یوسف کیمی، اؤز سئو گیلی سین زندانا.
٢وادیِ عشقده وامیق کیمی، عذرا ده لی دیر.