منو
سوزلریمیز ائوده قالیب!
دئدی اول یار منه، دفتریمیز ائوده قالیب
عشقه دایر یازیلان سؤزلریمیز ائوده قالیب
نازیله، قاش گؤز ایله، جان آلیریق عاشیقدن
ائو یئخان، قان آخیدان، خنجریمیز، ائوده قالیب
بو گؤزللیکله کی، بیز ناز ایله، مین جان آلریق
هله بیزدنده گؤزل دلبریمیز ائوده قالیب
چشم جادوموزا حئیران اولان عاشیق چوخدر
فتنه‌لر یاغدیران آ فت لریمیز ائوده قالیب
بیز اسیر ائیله‌میشیک زولف ایله بیچاره لری
نئچه مجنون وفا پروریمیز ائوده قالیب
شیخ صنعان کیمی عاشیقلری یولدان چیخاران
دین و دل غارت ائدن، کافریمیز ائوده قالیب
ایندی من واحدییم آذربایجانیمیزین
آتش عشقه یانان آذریمیز ائوده قالیب