منو
باشیوین اوستونده تاری وار!
هر عاشیقین کی، سن کیمی بیر نازلی یاری وار
فخر ائیله سه بو عالمه، لاپ اختیاری وار
هردم گؤرنده گول اوزووو شاد اولور کؤنول
گویا چمنده بولبولون اؤز لاله زاری وار
ظلم ائتمه، سئوگیلیم، بو قدر بینوالارا
سال یادا، بیل کی، باشیوین اوستونده تاری وار
سرمست گؤزلرین گؤره ن عاشیق خیال ائدر
گولزار ایچینده نرگیسه بنزر خوماری وار
چوخ باخما نازایله منه، اونسوزدا دردلییم
قوی اؤزگه شبهه لنمه سین هئچ انتظاری وار
هر عاشیقین کی، کؤنلونو جانان اسیر ائدیب
واحد کیمی نه خوش گونو، نه روزگاری وار