شاعیرین یادگاری

هر عاشیقین یانینداکی، اؤز نازلی یاری یوخ
بنزر شیکسته بولبوله، باغ و باهاری یوخ
جانیم فدا او دلبره کی، اعتباری وار
من نئیلرم او دلبری کی، اعتباری یوخ
سنسیز گئجه گونوز ایشیم آه و فغان کئچیر
سئیلِ بلا توتوبدو منی، بیر کناری یوخ
مین نازنین گؤزل گؤرورم، کؤنلوم ایسته میر
بیر سندن اؤزگه عاشیقیوین انتظاری یوخ
دونیا بهشته دؤنسه، جهنم کئچیر منه
سنسیز، اینان کی کؤنلومون اصلاً قراری یوخ
آرزوم بودور کی، بیرده گؤرایدیم جمالینی
اونسوز بو بولبولون داها بیر لاله زاری یوخ
عئیب ائتمه واحده، بو سؤزو یازسا دوستونا
شاعیردی، باشقا بیر شئی ایله یادگاری یوخ