منو
داوران ادبله!
گؤسترمه مندن اؤزگه یه، ای گول، جمالینی
تانریم منه نصیب ائیله یه تا وصالینی
دایم خیالِ وصلین ایله شاد اولور کؤنول
طالع همیشه کؤنلونو شاد ائیله سین سنین
گؤسترمه سین من عاشیقه درد و ملالینی
بیلدیر منه اوره کده اولان اؤز خیالینی
نئیلرآیی، گونو، گؤزلیم، یا ستاره نی
لاله اوزونده کیم گؤره او خالینی
یوز مین گؤزل یئتیرسه ا گر کائنات اؤزو
دونیا اوزونده، بیل کی، یئتیرمز مثالینی
نازلی گؤزلسن، اولمالیدیر سنده معرفت
داوران ادبله، ایسته سین ائللر کمالینی
واحد، شکایت ائیله‌مه اول نازلی یاردان
بلکه ائشیتدی، بیلدی سنین خسته حالینی