جاندان کئچر

جانین ایستر، اول دئییل عاشق که، جاناندان کئچر
عاشیق اولدور، من کیمی جانان اوچون جاندان کئچر
منع قیلما طرهٔ جاناندان، ای واعظ منی
هانسی بیردیوانه اول زولف پریشاندان کئچر؟
شیخ صنعانه مذمّت قیلما، ای ناصح، عبث!
گؤرسه هر کس اول بوتِ ترسانی، ایماندان کئچر!
خاکِ کویون بیلسه ذاهید باغ جنّت اولدوغون
اویماز اول افسانه فکیره، باغ رضواندان کئچر
خضر ا گر عؤمرونده بیر دم گؤرسه زولف و لعلینی
ترک ائدر ظلمات سئیرین، آبِ حیواندان کئچر
بو نه معجزدور قیلیب حئیران سراسر عالمی
ماه روخسارین گؤره ن مهرِ درخشاندان کئچر؟
مایلِ قد و روخون، لعلِ لبین آلوده سی
غنچه و گول ایسته مز، سروِ گلستاندان کئچر
دیشله دین لعلین، کؤنول، وهم ائیله قانوندان ساقین
سانما اول بی مهر رحم ائیلر سنه، قاندان کئچر
واحدا! صراف اولان گؤرسه او شوخون لبلرین
مئیلِ یاقوت ائیله مز، لعلِ بدخشاندان کئچر