منو
شادمان کؤنلوم!
جاوانلیق عشقینه دوشموش منیم بو پیر اولان کؤنلوم
دمادم نازنین لردن وورور دم، ناتوان کؤنلوم
دولانمیش ناتوانلیق دؤرونو خورشیدِ انورتک
چیخیب دیر پیرلیک دؤروندن اولموشدور جوان کؤنلوم
باهار ایامی دیر، حالا، وطن بیر لاله زار اولموش
گؤره ن کن اؤز گولون بولبول کیمی ائیلر فغان کؤنلوم
ادیبه، شاعیره، رساماًچوخ قیمت وئریر ائللر
محبت ذؤقونو دویدیقجا اولموش شادمان کؤنلوم
یانیر پروانه‌لر شمعین ا گر سئودالی عشقیله
دولان سن یار شؤقیله اولوب پروانه، یان، کؤنلوم
اینانمیر نئیله ییم، واحد، منه ایستکلی جانانیم
اونا گؤسترمه، البته، اؤزون بیر گون یانان کؤنلوم