منو
سوزگون باخیش!
جاناندی، بیرده من، گئجه اون بیر تامام ایدی
گیزلی دئییب دانیشماغا اصلی مقام ایدی
سوزگون باخیشلا کؤنلوم ائوین غارت ائیله‌دی
ماهیردی فنِ سئحرده، ظن ائتمه خام ایدی
شؤقِ لبِ نیگار ایله بیهوش و مست ایدیم
بیرده شرابا مئیل ائله سه ایدیم، حرام ایدی
عشق ایله صبح و شامیمی سرخوش کئچیردمیشم
صبحوم ده اوندا صبح ایدی، شامیم او شام ایدی!
هیجران گونونده ناله می بیر کمسه بیلمه‌دی
یارین بو تحفه سی منه بیر احترام ایدی
یار هر سوالا، منتظر ایدی جوابیما
حئیران اولوردوم ائیله کی، شیرین کلام ایدی
اول منیمله یار ایدی، سونرا رقیب ایله
واحد، دوشونمه دیم، بو نه حق و سلام ایدی