منو
معاریف چی عصر!
مولکِ جهاندا ایسترایسک عؤمر ائدک مدام
مظلوم عصری قورتار ایسم ظلمدن تمام(١)
زحمت چکیب ده جان و دل ائتمک گرک فدا
دنیا اوزونده ایسترایسک عزّ و احترام
آزاده لیک بناسی بینای عظیمدر
مولک جهاندا یوخدور هیچ اوندان گؤزل مرام
مقصد یولوندا اؤلمه لی ییک ایسته سک نجات
یوخ اؤزگه چاره بیزلر اوچون، مختصر کلام
بالمره محو قیلمالی ییق قان ایچنلری
هر بیر زماندا آلمالی دشمندن انتقام
فضل و کماله جهد قیلیب سعی قیلمالی(٢)
ایللرجه قالمیشق، یئتیشر، علمیسز عوام
پارلات شعاعِ علمی معارفچی عصر دیر
جهد ائیله محو اولوبدی ظلمتِ ظلام
علم ایله حاکم اولمالی ییق جمله عالمه
بونجا یئتر کیم اولموشوق هر ناکسه غلام
مصرع بو شکلیده ده قئید اولموشدور:
١مظلوملاری گر ک قورتاراق ظلمدن تمام .
٢فضل و کماله جهد ائله‌ییب سعی قیلمالی.