منو
لحنِ داوود
موسیقی نشئه سی مین سئوگیلی جانانه ده یر
اثر نالهٔ نی عارف ایچون جانه ده یر
موسیقی اهلینه انصاف ایله قیمت قویماق
لحن داوود ایله مین تختِ سلیمانه ده یر
بی خبرلر نه بیلیر، لهجهٔ خواننده نه دیر
اهلِ حال اولسا، بو سؤز قدرده میلیانه ده یر
پردهٔ غم داغیلیر، تارا دگنده مضراب
طرهٔ دلبره هر دم، نئجه کی شانه ده یر
موسیقیله اولار هر خسته یه عالمده علاج
بو طبابت یئنه مین چارهٔ لقما نه ده یر
بیزه بو علم حارام اولمش ایدی کئچمیشده
یعنی شیطان ایشیدیر، رخنه سی ایمانه ده یر
یاشاسین قرمزی شهرتلی وطن قانونو!(١)
بو سخاوت نئچه مین حاتمِ دؤرانه ده یر
قیلدی هر یئرده بینا موسیقی مکتبلرینی(٢)
نغمه نین فایده سی ایندی هر انسانه ده یر
خلیقمیز موسیقی علمین اوخویور مینلرجه(٣)
ئولکه میزچین بو شرف مهرِ درخشانه ده یر
موسیقیله منی دفن ایله سه لر، واحد، اگر
قبریمین تورپاغی مین رؤضهٔ رضوانه ده یر
مصرع بو شکلیده ده قئید اولموشدور:
١یاشاسین قرمزی شهرتلی ساوئت قانونو!
٢قیلسین هر یئرده بینا موسیقی مکتبلرینی
٣خلیقمیز موسیقی علمین اوخویوهر یئرده