منو
امتحان اولدو
منیمله مهربان یاریم نه دن نامهربان الدو؟
اوُیوب بیگانه یه اؤز عاشیقیندن بدگمان الدو
ایکی جانان سئون مه پاره‌لر نئیچین خیال ائتمز؟
زولیخا، یوسیفین عشقیله روسوای جهان الدو
حیاتین لذتیندن بیوفالار ذؤقسوز قالمیش
وفاسیز اولدوغوندان بولبوله گول باغری قان الدو
ایکی بولبول سئون گول گؤرمه‌میشدیم عؤمر باغیندا
اؤزوم گؤردوم، منه ایندی بو درس و امتحان الدو
نه مندن ال چکیر اول گول، نه اؤز ایستکلی یاریندان
بو سیرّی من دوشوندوکجه باهارِ عؤمروم خزان الدو
محبّت عالمی بیر باشقا عالم میش، طبیعتده
غریبه بیر معمادیر، منی ایندی اعیان الدو
خطا ائتدیم، کؤنول وئردیم وفاسیز نازنین یارا
بو جزئی عشقیمیز، واحد، دؤنوب بیر داستان الدو