منو
تانری ییخسین!
منیم ایستکلیمین هر کس کی، گؤره روخسارین
ایسته مز باغِبهشتین نه گولون، گولزارین
بولبوله اؤز گولو خوشدور، منه اؤز جانانیم
هانسی عاشیقدیر کی، سئومه یه اؤز دلدارین؟
بیرجه بیگانه دئییل کؤنلومو بر باد ائله ین
تانری ییخسین، گؤروم، عالمده ائوین اغیارین!
سئوگیلیم اولسا طبیبیم، منه تئز چاره قیلار
توتار اؤز نازیک الی ایله ییخلان بیمارین
من سئوه ن دلبری یوزلرجه گؤزه للرده سئویر
ائل سئویر، رسمدیر، ایستکلی، عزیز سردارین
بیرجه یول وصلِتمناسینی ائتسم ده اونا
دئدی مین نازیله ((یوخ ))، گؤزله مه‌دیم تکرارین
منی کیم گؤرسه دئییر: یارین اولوب غئیر ایله یار
باغ منیم، مئیوه منیم، اؤزگه یئییر نوبارین
بیوفالیق سؤزو ایشلنمنز ایدی عالمده
لیلی مجنونونا دوز ائتسه ایدی القارین
واحد، البته، اوُچولماز فلگین جؤروندن
هر بینا کی، تیکیله شؤقو ایله معمارین