خوار روزگار ائله دین!

منی همیشه، گولوم، خوار روزگار ائله دین
رقیبه مخفی اولان سیرّیم آشکار ائله دین
بلای عشقه دوچار اولمازایدیم عالمده
منی بو درد و بلایه کی سن دوچار ائله دین
رقیبی محرم ائدیب سن حریم کویوندا
نه وجه ایله منی او بزمدن کنار ائله دین؟
او دام ِ زولفونه صیاد تک کؤنول قوشونو
سالیب کمندینه، ای آهووش، شیکار ائله دین
رقیب خانه سینی روز و شب قیلیب رؤشن
منیم گونومو نه دن بؤیله تیره تار ائله دین؟
او چین زولفونه مشکین دئدیم خطا قیلدیم
منی گؤره نده خُتن صیدی تک فرار ائله دین
بو عهدایله غزلی سن کی یازمیسان، واحد
حضور مجلیس احبابه برگزار ائله دین