بیر گول اولایدیم!

من، سئوگیلیم، عشقینده، گرک بولبول اولایدیم!
مرمر سینه ن اوستونده قیزل بیرگول اولایدیم!
زولفون تک، اوُزاندیقجا، اؤپه ایدیم آیاغیندان
سن سئیره چئخان یرده دؤنوب سونبول اولایدیم!
امدیکجه اوگول لبلرینی، نشئه لنه ایدیم
سرمست گؤزون تک گئجه ـ گوندوز لول اولایدیم
اغیارایله هر گون سنی بیر یئرده گؤرونجه
هیجران اودونا کاش یانایدیم، کول اولایدیم!
واحد، منه چوخدان بو جان آرتق لیق ائدیردی
ای کاش، اونی دا یاره وئریب یونگول اولایدیم!