منو
اؤزو بیلسین!
من وئرمیشم اؤز کؤنلومی یاره، اؤزی بیلسین
ایستر ائله سین، هیجریله یاره، اؤزی بیلسین
بیلمیش، نه بلالر گتیریب باشیما زولفو
تؤ کموش یئنه اول ماهِ عذاره، اؤزی بیلسین
یوز یول دئدیم، اغیار ایله گزمه، یئنه گزدی
اؤلسم، دئمرم بیرده، دوباره، اؤزی بیلسین
اول گول منی خوار ائیلدی بیگانه یانیندا
هئچ بیلمدی چوخ، ائتدیم ایشاره، اؤزی بیلسین
بیمارییم اول نرگسِ مستین، اؤلورم من
قوی ائیلمه سین دردیمه چاره، اؤزی بیلسین
هر درد غمین من چکیرم، کام آلان اؤزگه
رحم ائیله‌مه سین، قوی دلِ زاره، اؤزی بیلسین
واحد! منی پروانه تک اول شمعِجمالیم
یاخسین دخی بوندان سورا ناره، اؤزی بیلسین