گول اولماسا

من نئیلیرم او دلبری، شیرین دل اولماسا؟
بولبول باهاره عشق یئتیرمز گول اولماسا!
مجنونون عشقی لیلی نین آرتیردی شهرتین
قدری بیلینمزایدی گولون، بولبول اولماسا!
عهد ائتمیشم کی، هر گوزه له مایل اولماییم
منسیز بلالی کؤنلوم ا گر مایل اولماسا!
درد فراقه باده اؤزو بیر علاج ائدر
یوخسا بو درده کیم دایانار، غافیل اولماسا؟!
جانان جفاسینی چکن عاشیق روا دئییل
وصل نیگارینا او ا گر نایل اولماسا!
جؤر ائیله دیکجه یار منه ایسترم اونو
ائل سئومز، هر آغاجدا ا گر حاصل اولماسا!
واحد، کؤنولده عشقیمی من گیزلی توتمارام
عرفانیما تعرض ائدن جاهیل اولماسا!