آذربایجانیم اوچون!

من کی جاندان کئچیرم سئوگیلی جانانیم اوچون
او منیم دوستومو دوشمن تؤره دیر جانیم اوچون
سئویرم، یوز دئسم اول شوخا اینانمیر سؤزومه
داها یوخ طاقتیم آند ایچمگه وجدانیم اوچون
اؤزگه بیر اووچونون آهوسونا ذؤقوم یوخدور
یالنیز آواره یم اؤز سئوگیلی جئیرانیم اوچون
هر سئویملی گولون اؤز عاشیقی، اؤز بولبولی وار
من ده بیر بولبولم اؤز غنچهٔ خند انیم اوچون
بیر یاخین گلمه دی، بیلمم، نئجه خاطیر جمع اولوم
چوخ کمند آتمیشام اول زولفِ پریشانیم اوچون
اؤلکه مین یوسفینه باشقا زولیخایه گرک
مین زولیخا تاپیلار یوسیفِ کنعانیم اوچون
بو شرافت منه نسلاً قالاجاقدیر، واحد
نه قدر خدمت ائدم آذربایجانیم اوچون